Amed de karekerêk fabrîqaya pemeyî de kewt waro û merd

Dîroka Weşanê: 8 ay önce

Qezaya Amedî Bismil de karkero ke waştêne çatîyê fabrikaya pemeyî yo ke rîyê vewre ra rijîyabi temîr bikero, kewt waro û merd.

AMÎDA KURDÎ -Amed, qezaya Bismilî de keso ke waştêne serê banê fabrîkayêka pemeyî ke rîyê vewre ra rijîyabi temîr bikero, nezdîyê 10 metre berz ra kewt waro û merd.

Hedîse, saetanê şanî de fabrîkayêka pemeyî ya ke Mehleya Koselî ya Bismilî de ya, uca de qewimîya. Mehmet Talî wexto ke çatîyê fabrîka yo ke rîyê varayîşê vewre ra rijîyabi temîr kerdêne kewt waro û giran birîndar bi.

Îxbar ser o, ekîbê weşîye û cendermeyî ameyî şawitene cayê hedîseyî. Kontrolê ke hetê ekîbanê weşîye ra ameyî kerdene de ame tesbîtkerdene ke Mehmet Talî merdo.

Cenazeya Mehmet Talîyî, dima ke cigêrayîşê cayê hedîseyî qedîyayî, seba ke otopsî bêro kerdene wedarîya morgê Nêweşxaneyê Dewlete yê Bismilî.

Derheqê hedîseyî de tehqîqat ame destpêkerdene.

1

Begendim

0

Bayildim

0

Komik

0

Begenmedim

0

Uzgunum

0

Sinirlendim