Amed de îşxalê peyarayîran şar kerd aciz

Dîroka Weşanê: 1 ay önce

Qezaya Amedî Peyas de wesayîtê ke rayîranê nêweşxaneyan de peyarayîran ser o rêze bi rêze park bîyê, bîyî sebebê razînêbîyayîş û acizbîyayîşê welatîyan.

AMÎDA KURDÎ - Amed de bêsîstemîya trafîk û parkkerdişî welatîyan aciz keno. Qezaya Amedî Peyas (Kayapınar) de, rayîranê nêweşxaneyêkê xusûsî ser o peyarayîran de bi desan otomobîlî ameyî parkkerdiş û no hal bi sebebê reaksîyonê şarî.

Nê dîmenê bêqaydeyîye ke bajar de zaf rey ameyêne vînayene, nika wextê peyênî de dormeyê nêweşxaneyan de zî qewimîyayî.

Bi taybetî dormeyê servîsê lezgînî yê nêweşxaneyî de îşxalkerdişê peyarayîran, nêweşan rê, kesê ke sandalya bi tekerêke xebitnenê û astengdaran rê beno sebebê mexdurîyetêkê pîlî.

153yî rê şikayet ame kerdene la bêvengîye esta

Welatîyanê ke Amîda Haberî rê qisey kerdî, ard ziwan ke dîmenê winasî yê dormeyê nêweşxaneyî qet nînê qebulkerdene. Şarî îfade kerd ke înan heta nika seba xirabîya parkkerdişî xeylê rey xeta îxbarî ALO 153yî zî geyrayî û şikayetê xo kerdo, labelê hetê rayedaran ra tu kontrolêk û sererastkerdişêk nêame kerdene.

0

Begendim

0

Bayildim

0

Komik

0

Begenmedim

0

Uzgunum

0

Sinirlendim