Amed de humara şofêranê cinîyan zêde bîya
Amed de zêdebîyayîşê hûmara şofêranê cinîyan, kursê şofêrîye fînayî mîyanê têgêrayîş. Kursan de îstîhdamê musnayoxanê cinîyan zêde bi, şofêrê cinîyî bîyî rîyo newe yê trafîkî.
Kaynak: Amîda Kurdî
AMÎDA HABER - Tirkîya de bi serran o zafêrê şofêranê ke vejîyenê trafîk, camêrd ê. Goreyê daneyanê TUÎKî yê serra 2025î, trafîk de 19,4 mîlyon şofêrê camêra, 5,5 mîlyon şofêrê cinî est ê.
Sey pêroyê Tirkîya, Amed de zî serranê peyênan de hûmara şofêranê cinîyan zêde bî. Pêroyê Tirkîya de hûmara şofêranê cinîyan 10 serranê peyênan de se ra 40 zêde bî, la hûmarê Amedî zelal nîyê. Wekîlê Serekê Komeleya Kursanê Şofêrîye ya Amedî Erhan Çelîko ke Amîda Haberî rê qisey kerd, vat: “Hûmara şofêranê cinîyan nêzîyê 7 mîlyonan bî. Ewro her hîrê şofêran ra yewe cinî ya.”
Goreyê malumatê ke Çelîkî dayo, Amed de 66 merkez de, 34 zî qezayan de bi pêro pîya 100 kursê şofêrîye est ê. 66 kursanê merkezî ra 60 kursî musnayoxanê cinîyan (perwerdekaranê cinîyan) danê xebitnayene û kenê ke cawab bidê waştişê ehlîyetî yê cinîyan.
Şîrove Bike
- 6 ay önce
Şîrove