Amed de cinîyêk vîndî bîya: Dayîka 2 gedeyan a
Amed, qezaya Çinarî de Nîmet Kiliça 45 serre ra vizêr şewe ra nat xeber nêna girewtiş. Ekîbî semey vînayîşê aye xebitîyenî.
AMÎDA KURDÎ - Qezaya Amedî Çinar de, dayîka 2 gedeyan ra vizêr şewe ra nat xeber nêna girewtiş. Ekîbê ke amey dewe, semey vînayîşê cinî dest bi xebate kerd.
Goreyê malumatanê ke ameyê girewtiş, Mehleya Kubacikî ya qezaya Çinarî de, Nîmet Kiliça (45) ke dayîka 2 gedeyan a, vizêr şewe saete 01.00 de bi mêrdeyê xo Şeyhmus Kiliçî reyde kewte ra.
Şeyhmus Kiliç, meşte wexto ke hewn ra werişt, ferq kerd ke cinîya ey hetê ey de çin a. Kiliç o ke demêk pawit ke bêro, seba ke Nîmet Kiliçe bigêro şi hetê dayîke û pîyê aye. Wexto ke cinîya xo uca zî nêdîye, Şeyhmus Kiliçî xebere wesna cenderme. Ekîbê ke ameyî cayê hedîseyî, semey vînayîşê cinîka ke vizêr ra nat xeber nêna girewtiş, dest bi xebatan kerd.
Herême rê AFAD, weşîya lezgîne ya 112î, cenderme û ekîbê cigêrayîş û xelesnayîşî ameyî şawitiş. Ame zanayîş ke xebatê cigêrayîşê Nîmet Kiliçe dewam kenê.
Şîrove Bike
- 6 ay önce
Şîrove