Amed de 319 kîlometre rayîrê dewan, vewre ra ame pakkerdiş
Şaredarîya Şaristanê Girdî, 6 qezayan ke tede vewre zaf varaya de, di rojanê peyênan de 319 kîlometre rayîrê taxanê dewan seba resîye akerd.
AMÎDA KURDÎ - Kordînasyonê Têkoşînê Vera Vewre ke bi rayberîya Şaredarîya Şaristanê Girdî, bi beşdarîya şaredarîyanê qezayan ame awankerdene û xebatanê xo yê arterê serekeyî, waranê roniştişî û dormeyê nêweşxaneyan ê merkezê şaristanî de dewam kena.
6 qezayan de 319 km rayîr abî
Çarçewaya xebatanê têkoşînê vera vewre yê di rojanê peyênan de Pasûr de 105 kîlometre, Çêrmûg de 65 kîlometre, Şankûş de 50 kîlometre, Erxenî de 40 kîlometre, Licê de 41,3 kîlometre û Hêni de 18 kîlometre; bi pêroyî 319,3 kîlometre rayîrê taxanê dewan abî.
Ekîbî qezayan de amade yê
Yeno tehmînkerdene ke varişî heta saetanê nêmroje yê roja Çarşemeyî tesîrê xo dewam bikerê, Şaredarîya Şaristanê Girdî vera talûkeyanê îhtîmalan tedbîrê xo zêde kerdî. Ekîbê cigêrayîş û xelaskerdişî yê girêdayeyê Serekîya Daîreya Îtfaîyaye, Serekîya Daîreya Karê Afatan û Îdareyê Talûkeyan û Mudîrîya Pêroyî ya Îdareyê Awe û Kanalîzasyonê Amedî (DÎSKÎ); qezayanê Licê, Pasûr, Çêrmûg û Erxenî de ke îqazê kewtişê aşîtî ame dayene, amade yê.
Şîrove Bike
- 6 ay önce
Şîrove