3 xalên girîng ji Pompeo: Divê herêmeke tampon di navbera HSD û Şamê de were avakirin

Dîroka Weşanê: 7 ay önce

Mike Pompeo, ku di dema serokatiya yekem a Donald Trumpî de wekî Wezîrê Karên Derve dixebitî, bi awayeke hişk rexne li siyaseta Washingtonê ya li ser Sûriyeyê kir. Pompeo ji bo Sûriyeyê plana tevgera bilez ya sê xalî pêşniyar kir.

AMÎDA KURDÎ - Wezîrê Karên Derve yê berê yê Amerîkayê Mike Pompeo, di gotarekê de ku di Washington Postê de hatiye weşandin, pêşketinên dawî yên li Sûriyeyê û planên vekişîna Amerîkayê ya ji herêmê nirxand û rexne li polîtîkayên rêveberiya Trumpî kir.

Pompeo bi bîr xist ku HSDê bi wêrekî li ser navê Amerîkayê di hilweşîna xîlafeta DAIŞê de şer kir û rexneyên xwe wiha domand, "Washington ne tenê vedikişe, lê di heman demê de pişta xwe dide sozên xwe yên ji bo hevalbendê xwe, çarenûsa herêmê dihêlin hikûmeteke Sûriyeyê ku hêj nirxa xwe îspat nekiriye."

Plana tevgera bilez ya sê xalî

1.⁠ ⁠Avakirina herêmeke tampon di navbera HSD û hêzên hikûmeta Sûriyê de bi piştgiriya leşkerî ya sînorkirî ya Amerîkî.

2.⁠ ⁠Danîna cezayên giran li ser sektora petrolê, bo serokên milîsan.

3.⁠ ⁠Bicîhanîna zexta dîplomatîk ji bo peymaneke ewlehiyê ku dê rê li ber hilweşîna navxweyî ya Sûriyê bigire û hemî alî tê de bin.

Pompeo hişyarî da Qesra Spî ku eger ev gav neyên avêtin, herêm dê careke din ji bo rêxistinên terorîst bibe stargehek ewle.

0

Begendim

0

Bayildim

0

Komik

0

Begenmedim

0

Uzgunum

0

Sinirlendim