16 Baroyan ra seba Kobanî vengdayîş: Berê Murşîtpinarî akerê

Dîroka Weşanê: 7 ay önce

Baroyanê 16 bajaranê herême, waşt ke seba resnayîşê hetkarîyanê merdimîyan Berê Sînorî yê Murşîtpinarî yo ke sînorê Tirkîya de yo, bêro akerdene.

AMÎDA KURDÎ - Baroyanê Semsûr, Agirî, Êlih, Çewlîg, Bidlîs, Dêrsim, Amed, Îdir, Colemêrg, Qers, Mêrdîn, Mûş, Sêrt, Riha, Şirnex û Wanî, derheqê rewşa Kobanî de eşkerayîyêka pêroyî weşana.

Eşkerayîye de ame vatiş ke, resayîşê hewcedarîyanê tewr bingeyênan sey werd û weşîye ameyo sînorkerdene û heqê cuyayîşî yê sîvîlan binê tehlukeyêko pîl de yo.

Eşkerayîya pêroyî ya ke hetê baroyan ra ameya dayene de, ame vatene ke girewtemendişê Berê Murşîtpinarî vera huqûqê mîyanneteweyî yo û nê îfadeyî ca girewtî:

“Girewtemendişê Berê Murşîtpinarî yo ke sînorê Tirkîya de yo û astengkerdişê vîyartişê hetkarîyanê merdimîyan ê seba Kobanî, goreyê huqûqê merdimîye yê mîyanneteweyî û heqanê merdiman ê bingeyênan nîyo. Resnayîşê hetkarîyanê merdimîyan, mecburîyetêko cuyayîşî yo û bi bahaneyanê sîyasîyan yan zî asayîşî nêno astengkerdene.”

Peynîya eşkerayîye de, dîya zanayîş ke, semedo ke krîz hîna giran mebo, do muracatê meqamanê eleqedaran bikerê û proses hem hetê huqûqî hem zî hetê merdimîye ra nêzdî ra do bêro teqîbkerdene.

0

Begendim

0

Bayildim

0

Komik

0

Begenmedim

0

Uzgunum

0

Sinirlendim